В Атырау +30.9 
Қазақстанда теміржол вокзалдарын жаңғырту қарқынды жүріп жатыр. Мемлекет басшысының тапсырмасына сәйкес іске асқан ауқымды бағдарламаға 124 вокзал енгізілген.
Көлік министрі Нұрлан Сауранбаев Үкімет отырысында алғашқы 30 вокзалдың биылғы 1 шілдеге дейін пайдалануға берілетінін мәлімдеді. Оның айтуынша, басты мақсат – жолаушыларды қауіпсіз әрі жайлы жағдаймен қамтамасыз ету. Сонымен қатар жергілікті әкімдіктер вокзал маңындағы алаңдарды абаттандыруға кіріскен.
Қазіргі таңда 36 нысанда құрылыс‑монтаж жұмыстары аяқталған. Бұдан бөлек, соңғы жылдары 650‑ден астам жолаушылар вагоны жаңартылды. Министрлік 2030 жылға қарай жолаушылар паркін жаңарту деңгейін 90%-ға жеткізуді жоспарлап отыр.
Бұл жаңғырту шаралары елдегі теміржол инфрақұрылымын жаңа сапаға көтеріп, жолаушыларға қолайлы қызмет көрсетуді көздейді.