Атырау, 16 маусым 18:28
Түнде бұлтты+22, таңертең +25
ҚР Ұлттық банкінің валюта бағамы: $ 384.51  € 434.00  P 5.95

Ауладағы құс фермасы

24 қазан 2013 00:00

Жеке кәсіпкер Райхан БАЙТУРИЕВА (суретте) құс өсірумен жеті жылдан бері айналысып келеді. Ол қаладағы үйлерінің аядай ғана ауласында тауық, әтеш, қаз, үйрек, күркетауық ұстайды. Енді кәсібін кеңейту үшін Сарыөзек ауылынан құс фермасын ашуды көздеп отыр.

- Мен құстарды өсірумен қатар, балапандарын сатумен де айналысамын, -дейді Райхан.Көлікжайдағы үлкен қораптың ішінде жарыққа шыққандарына бір күн болған балапандарын бауырына басқан тауық жатыр. Шүпірлеген шөжелердің арасынан біреуін қолына алып, мейірлене сипаған иесі Райханға қызғана қарап қояды.  

Балапандарды Райхан әр сенбіде ескі базарға апарып сатады. Мұнда оның тұрақты сатып алушылары да бар.  

Бір қызығы, Райханның құс өсірумен айналысуына жасы 25-тер шамасындағы ұлы Руслан ықпал еткен (Райхан көпбалалы ана, Руслан оның тұла бойы тұңғышы).  Ол кішкентай күнінде үйге екі балапан сатып алып келген. Оларға өзі жем беріп, баптап өсірген. Кейін базарға апарып сатып, ақша жасаған. Бұл оның табысқа жетуінің алғашқы қадамы еді. Кейін оның әке-шешесінің бұл іске деген қызығушылықтары оянып, құс өсіруді бірге бастап кетеді.     

- Баламызқа қосылып, балапан сатуға кіріскенде, олардың тез өтіп кететініне көзіміз жетті. Ал табыс келе бастағанда құс өсіруге деген қызығушылығымыз одан сайын арта түсті. Қазір бұл іссіз өзімді елестете де алмаймын. Меніңше, балапан баулыған бала мейірімділікке толы болып өседі. Мұны ұлымнан байқаймын. Ол өзінен кіші балаларға әрдайым қамқор болып жүреді, -дейді Райхан.

Айнұр САПАРОВА

Суретті түсірген автор

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

4866 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4