В Атырау +26 
Авиакомпания Атыраудан Грузияның қара теңіз жағалауындағы танымал курорт Батумиге тікелей рейстерді іске қосатынын хабарлады.
Ұшу кестесі
- Рейстер 2026 жылғы 14 шілдеден 25 тамызға дейін орындалады.
- Жиілігі: аптасына бір рет, сейсенбі күндері.
- Атыраудан ұшу: 10:40, Батумиге келу: 12:00 (жергілікті уақыт).
- Қайтар рейс: Батумиден 13:00, Атырауға келу: 16:15.
FlyArystan президенті әрі бас директоры Йохан Эйдхагеннің айтуынша, Батуми қазақстандықтар үшін ең сұранысқа ие бағыттардың бірі болып қала береді. Бұған визасыз режим, қонақжайлық және дамыған туристік инфрақұрылым ықпал етеді.
Жаңа рейс Батыс Қазақстан тұрғындарына қосымша уақыт жоғалтпай, тікелей саяхаттауға мүмкіндік береді.
FlyArystan маусым айынан бастап Астана мен Ақтаудан Батумиге тікелей рейстерді орындап келеді. Сонымен қатар, компания Кутаисиге Қазақстанның бірнеше қаласынан тұрақты рейстерді жүзеге асырады.
Билеттер FlyArystan мобильді қосымшасында, ресми сайтында және басқа сату арналары арқылы қолжетімді. Тарифке 7 кг‑ға дейінгі бір қол жүгін алып жүру кіреді.