​Атырауда жекеменшік лицей жері төңірегіндегі даудан кейін шенеуніктер жазаланды

Атырау облысының прокуратурасы Инвесторлардың құқықтарын қорғау комитетімен бірлесіп, «NURORDA» мектеп-лицейі» ЖШС-нің құқықтарын қалпына келтірді.

Компания қалада 600 орындық жекеменшік мектеп салу жобасын жүзеге асырып жатыр. Инвестиция көлемі – 4,5 млрд теңге. Жоба өңірдегі білім беру инфрақұрылымын нығайтып, жаңа жұмыс орындарын ашуға бағытталған.

Тексеру барысында әкімдік 1,5 гектар жер телімін беруден негізсіз бас тартқаны анықталды. Бұған дейін Өңірлік үйлестіру кеңесі жобаны инвестициялық деп танып, оң шешім қабылдаған болатын.

Прокурорлық қадағалау нәтижесінде заңбұзушылықтар жойылып, жер учаскесі инвесторға берілді. Құрылыс жұмыстары қайта басталды.

Жіберілген заңбұзушылықтар үшін жауапты тұлғалар тәртіптік жазаға тартылды.