В Атырау +24.4 
3 маусым күні Тиранада тұрғындар төртінші күн қатарынан наразылық акциясына шықты. Олар үкімет ғимараттарының жанындағы қоршауды бұзып өтіп, жобаны тоқтатуды талап етті, деп хабарлайды Евронью́с.
Полиция су атқыштарды қолданды. Қолдарында «Нартаға қол тигізбеңдер» деген жазуы бар плакаттар болды, сондай‑ақ шенеуніктердің отставкасын талап етті.
Даудың себебі – Адриатика жағалауындағы Нарта лагунасында салынатын люкс курорт жобасы. Бұл бастама Дональд Трамптың күйеу баласы Джаред Кушнердің Affinity Partners инвестициялық компаниясымен байланысты. Лагуна экологиялық тұрғыдан аса маңызды аймақ болғандықтан, қоғамның ашу‑ызасын күшейтті.
Албан билігі жобаны елдің туризмін дамытуға және ЕО‑мен интеграцияға серпін береді деп түсіндіреді. Жоспарға сәйкес, лагуна маңында курорт, ал Сазан аралында бұрынғы әскери база орнына жаңа нысан салу көзделген.
Экологтар құрылыс 10–15 жылға созылып, шамамен 10 мың қонақүй бөлмесін тұрғызуды талап ететінін айтады. Белсенділер мұндай ауқымды жоба Албанияның ең осал жағалаулық ландшафтын түбегейлі өзгертуі мүмкін деп алаңдайды.