Қазақстан мұнайы үшін маңызды БТД құбырына SOCAR оператор болады

62 рет қаралды

Сурет aa.com.tr/ Баку – Тбилиси – Джейхан (БТД) мұнай құбыры

SOCAR 1 шілдеден бастап Баку – Тбилиси – Джейхан мұнай құбырының жаңа операторы болады. Бұл туралы Report BP-нің Әзербайжан, Грузия және Түркиядағы аймақтық президенті Джо Кристофолиге сілтеме жасап хабарлады.

Оның айтуынша, операторлықты беру процесі келісімшарттық міндеттемелерге сәйкес жоспарлы түрде жүріп жатыр және белгіленген мерзімде аяқталады. BP жобадан шықпайды, тек операторлықты SOCAR-ға тапсырады.

Кристофоли SOCAR-дың тәжірибесі мен мүмкіндіктері жеткілікті екенін атап өтті және бұл ауысуға оптимистік көзқарас білдірді.

Баку – Тбилиси – Джейхан мұнай құбыры Қазақстан үшін де маңызды бағыт болып саналады. «ҚазТрансОйл» АҚ деректеріне сәйкес, 2026 жылдың бірінші тоқсанында осы бағыттағы тасымал көлемі 26 мың тоннаға өсіп, 346 мың тоннаға жеткен.

Бүгін, 13:30

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.