В Атырау +17.1 
Қазақстан құрамасының жетекші мәнерлеп сырғанаушысы Михаил Шайдоровқа байланысты туындаған жағдайға Туризм және спорт министрлігі ресми түсініктеме берді.
Вице-министр Серік Жарасбаевтың айтуынша:
- Барлық қажетті құжаттар мен келісімдер екі тараппен толықтай рәсімделіп, қол қойылды;
- Спортшыға қаржыландыру толық көлемде қалпына келтірілді;
- Бұрынғы келіспеушіліктер мен төлемдердегі кідірістер ресми түрде шешілді;
- Министрлік жағдайды ерекше бақылауға алып, алдағы маңызды жарыстарға дайындықтың бұзылмауын қамтамасыз етеді.
Бұған дейін Шайдоров жаттығу процесіне қатысты қаржыландырудың кешіктірілуін жария түрде мәлімдеген еді. Бұл қоғамда үлкен талқылауға себеп болып, басқа спортшылар да ұқсас мәселелерді көтерді. Мәселен, Алматыдағы әйелдер хоккей клубы «Айсулу» бес айлық жалақы қарызы барын хабарлаған.
Министрлік жетекші спортшыларды толық қолдауға бағытталғанын және мұндай жағдайларға жедел әрекет ететінін атап өтті.
Бүгін, 12:55