В Атырау +24.4 
Қазақстан Президенті Қасым-Жомарт Тоқаев пен Ресей Президенті Владимир Путинге елімізде Амур жолбарыстарын жерсіндіру жобасы таныстырылды.
Мемлекет басшыларына тарихи сәтті бейнелеген эксклюзивті бейнеролик көрсетілді: төрт Амур жолбарысы «Іле-Балқаш» мемлекеттік табиғи резерваты аумағына жіберілді.
Жолбарыстарды бақылап отыру үшін табиғи ортаға жібергенге дейін оларға жерсеріктік қарғыбау орнатылды. Бұл ғалымдар мен экологтарға жолақты қоныс аударушылардың қозғалысы мен бейімделуіне тәулік бойы мониторинг жүргізуге мүмкіндік береді.
Мәселенің тарихы
Еске сала кетейік, жолбарыстарды Қазақстанға қайтару туралы уағдаластыққа Қасым-Жомарт Тоқаевтың 2025 жылғы қарашада Ресейге жасаған мемлекеттік сапары барысында қол жеткізілген болатын. Сол кезде тараптар жабайы аңдарды әкелу және бейімдеу жөніндегі бірлескен егжей-тегжейлі іс-шаралар жоспарына қол қойды.
Осы келісімдер аясында Ресей тарапы Қазақстанға Амур жолбарысының төрт дарағын берді.
Экологтардың айтуынша, ,ұл бастама Қазақстандағы жолбарыстар популяциясын қалпына келтіруге және әлемдегі биоалуантүрлілікті сақтауға зор үлес қосады.
Мамандар жыртқыштардың Алматы облысындағы өздерінің жаңа ауқымды аумағын қалай игеріп жатқанын жіті бақылауды жалғастырып отыр.