В Атырау +24.4 
Атырау қаласында 76 жастағы әйел өзін банк қызметкері ретінде таныстырған телефон алаяқтарының құрбаны бола жаздады.
Олар оның атына заңсыз несие рәсімделіп жатқанын айтып, ақшасын «қауіпсіз есепшотқа» аударуды талап еткен.
Әйел 1 млн 300 мың теңгесінен айырылып қалуы мүмкін еді. Бірақ «Қазақтелеком» АҚ-мен бірлескен әрекет нәтижесінде күмәнді қоңырау дер кезінде анықталып, полицияға хабарланды.
Облыстық полиция департаментінің киберқылмысқа қарсы іс-қимыл басқармасының жедел уәкілі Сұлтан Иманғалиев оқиға орнына барып, зейнеткерге жағдайды түсіндіріп, сабырға шақырды. Ол алаяқтармен байланысты жалғастырып, олардың жоспарын іске асыруына жол бермеді.
Полиция азаматтарға сақ болуды ескертеді: құқық қорғау органдары, банк немесе мемлекеттік мекеме қызметкерлері телефон арқылы ақша аударуды талап етпейді және жеке деректерді сұрамайды. Күмәнді қоңыраулар түскен жағдайда әңгімені дереу тоқтатып, полицияға хабарласу қажет.