В Атырау +29.5 
Атырау облысының Қызылқоға ауданында прокуратура еңбек заңнамасының сақталуын талдау барысында аудандық ауруханада заң бұзушылықтарды анықтады.
2025 жылдан бері мекеме қызметкерлердің өмірі мен денсаулығын міндетті сақтандыруды қамтамасыз етпеген. Соның салдарынан 520 медицина қызметкері сақтандырусыз жұмыс істеп келген.
Бұл жағдай өндірістік жарақат немесе төтенше оқиға орын алғанда заңмен көзделген өтемақы мен әлеуметтік кепілдіктерден айыру қаупін туғызған.
Прокурорлық қадағалау актісі арқылы медицина қызметкерлерінің еңбек және конституциялық құқықтары қалпына келтірілді.
Бүгін, 17:33