Атырауда тұрғындардың шағымынан кейін ауа сапасы тексерілді

97 рет қаралды

24 мамырда облыстық экология департаментінің зертханалық‑аналитикалық бақылау бөлімінің мамандары қала ауасында мониторинг жүргізді.

Тексеру тұрғындардың шағымынан кейін ұйымдастырылды.

Ауа сынамалары бірнеше нүктеден алынды: Авангард ықшамауданында, Жеңіс саябағында және «Атырау мұнай өңдеу зауытының» санитарлық‑қорғау аймағынан тыс жерде — «Мирный» және «Пропарка» станцияларында.

Тексеру барысында атмосферадағы күкіртсутек (H₂S), метан (CH₄), көміртек тотығы (CO), азот диоксиді (NO₂) және күкірт диоксиді (SO₂) сияқты зиянды заттардың мөлшері тексерілді.

Сынама алу кезінде ауа температурасы +29 градус болып, жел оңтүстік‑батыстан секундына 6 метр жылдамдықпен соққан.

Мониторинг қорытындысы бойынша атмосфералық ауада зиянды заттардың шекті рұқсат етілген концентрациясынан асу жағдайы анықталған жоқ.

Бүгін, 18:40

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.