В Атырау +32.7 
Иранның Ислам революциясы сақшылары корпусы (КСИР) соңғы тәулікте Ормуз бұғазы арқылы танкерлер, контейнер тасымалдаушылар және басқа да коммерциялық кемелерді қоса алғанда 33 кеменің өткенін хабарлады, деп жазады АА.
Иран мемлекеттік БАҚ таратқан мәлімдемеге сәйкес, өту процесі «рұқсат алғаннан кейін» және «КСИР ӘТК‑мен үйлестіру арқылы» жүзеге асқан. Бұған дейін КСИР ӘТК тәулігіне 25 кемеге бұғаздан өтуге рұқсат бергенін жариялаған еді.
Ормуз бұғазы – әлемдегі энергия тасымалының негізгі бағыттарының бірі.
28 ақпанда АҚШ пен Израильдің бірлескен соққыларынан кейін басталған соғыс барысында Иран бұғазды жапқан.
13 сәуірде АҚШ президенті Дональд Трамп Пәкістан делдалдығымен жүргізілген келіссөздер нәтиже бермеген соң Иранға қарсы теңіз блокадасын енгізу туралы шешім қабылдады.
17 сәуірде Ливандағы уақытша бітімнен кейін Иран коммерциялық кемелерге ӘТК‑мен үйлестіру шартымен бұғазды ашатынын мәлімдеді.
Кейін АҚШ блокаданы жалғастыратынын жариялаған соң, Тегеран қайтадан шектеулер енгізді.
Бұл кезеңде АҚШ Оман теңізі мен Үнді мұхитында бірнеше ирандық коммерциялық кемені басып алып, шабуыл жасаған. Жауап ретінде Иран Ормуз бұғазы маңында Израильмен байланысты кейбір кемелерді қоса бірнеше кемені ұстап қалған.