В Атырау +13.8 
Нұрлыбек Нәлібаев Қазақстан Республикасы Премьер-министрінің бірінші орынбасары лауазымына тағайындалды, деп хабарлайды Ақорда.
Мемлекет басшысы Қасым-Жомарт Тоқаев тиісті Жарлыққа қол қойды. Осы құжатпен Нәлібаев бұрынғы атқарған лауазымынан босатылды.
«Нұрлыбек Машбекұлы Нәлібаев Қазақстан Республикасы Премьер-министрінің бірінші орынбасары лауазымына тағайындалсын, ол бұрынғы атқарған лауазымынан босатылсын», — делінген Жарлықтың ресми мәтінінде.
Нұрлыбек Нәлібаев 1976 жылы Қызылорда облысында дүниеге келген. Қазақ мемлекеттік аграрлық университетін, Қазақ гуманитарлық-заң университетін бітірген. РФ Президенті жанындағы Ресей халық шаруашылығы және мемлекеттік қызмет академиясының 3-курс докторанты.
Еңбек жолы:
1997-1998 жж. — «Қазақойл-коммерция» ЖШС мұнай және мұнай өндіру жөніндегі сарапшысы.
1998-2005 жж. — жеке коммерциялық құрылымдарда басшылық лауазымдарда болды.
2005-2007 жж. — Қызылорда қаласы әкімінің орынбасары, бірінші орынбасары.
2007-2008 жж. — Қызылорда облысы әкімі аппаратының басшысы.
2008-2013 жж. — Қызылорда облысы Шиелі ауданының әкімі.
2013-2021 жж. — Қызылорда облысы Қызылорда қаласының әкімі.
2021-2022 жж. — Қазақстан Республикасы Премьер-министрі Кеңсесінің Өңірлік даму бөлімінің меңгерушісі.
2022 жылғы 7 сәуірден бастап осы уақытқа дейін — Қызылорда облысының әкімі.