​Қарағандыда ҰОС ардагерлеріне 5 млн теңгеден берілді

Жеңіс күні қарсаңында Қарағанды облысында Ұлы Отан соғысының ардагерлеріне 5 миллион теңгеден біржолғы төлем берілді. 

Қазіргі таңда өңірде алты ардагер бар: олардың бесеуі Қарағанды қаласында, біреуі Осакаров ауданында тұрады.

Жалпы әлеуметтік қолдау шараларымен облыстың 2,1 мыңнан астам тұрғыны қамтылды. Оның ішінде:

• 2029 тыл еңбеккеріне – 100 мың теңгеден,
• 33 концлагерь тұтқыны мен қоршаудағы Ленинград тұрғындарына – 200 мың теңгеден,
• 89 қаза тапқан жауынгердің жұбайы мен жесіріне – 50 мың теңгеден төлем жасалды.

Сонымен қатар ардагерлер үшін шипажай-курорттық ем алу мүмкіндігі қарастырылып, шығындар жергілікті бюджет есебінен өтеледі.