Ресей Жеңіс күніне орай ​8–9 мамырда Украинамен уақытша бітім жариялады

Мәскеуде Жеңіс күніне орай Ресей Украина аумағында 8 және 9 мамырда атысты тоқтату туралы шешім қабылдады.

Бұл шешімді Ресей Қарулы күштерінің Жоғарғы Бас қолбасшысы Владимир Путин қабылдағанын Қорғаныс министрлігі хабарлады.

«Украин тарапы да біздің үлгімізді ұстанады деп үміттенеміз», – делінген ведомствоның мәлімдемесінде.

Ресми ақпаратқа сәйкес, мерекелік іс-шаралардың қауіпсіздігін қамтамасыз ету үшін барлық қажетті шаралар қабылданады.