В Атырау -10 
Қазақстан Республикасының Конституциялық Соты еліміздің сот жүйесіндегі кассациялық сатының мәртебесін түсіндірді. Ведомство кассацияның сот төрелігінің негізгі емес, қосымша кепілдігі екенін атап өтті.
Түсіндірме беруге азаматтың Қылмыстық іс жүргізу кодексінің 484-бабының екінші бөлігін Конституцияға сәйкестігін тексеруді сұраған өтініші себеп болды. Өтініш беруші қолданыстағы нормалар үкімді орындауға қатысты шешімдерді кассациялық тәртіппен қайта қарау мүмкіндігін шектейді, сол арқылы оның сот арқылы қорғалу құқығын бұзады деп есептеген.
Конституциялық Соттың ұстанымы:
Конституция әрбір адамның ісін бірінші сатыдағы соттың міндетті түрде қарауына кепілдік береді.
Азаматтарға шешімді апелляциялық тәртіппен қайта қарау құқығы қамтамасыз етіледі.
Кассациялық тәртіп — қосымша кепілдік болып табылады, оның шектері мен ережелерін заң шығарушы белгілейді.
Қорытындылай келе, Конституциялық Сот өтінішті қабылдаудан бас тартты. Оның бір себебі — дауланып отырған норма өтініш берушінің ісінде іс жүзінде қолданылмаған, бұл конституциялық іс жүргізу ережелеріне сәйкес өтінішті қабылдауға жол бермейді.