В Атырау -10 
Қызылқоға аудандық сотында 73 жастағы зейнеткердің өліміне қатысты іс бойынша үкім шықты.
Сот материалдарына сәйкес, 63 жастағы Владимир Малов 2026 жылдың 19 қаңтарында азаматтық некедегі жарыКапитолина Симаньковамен үйінде ішімдік ішкен. Жанжал кезінде ол әйелді итеріп жіберген, нәтижесінде ол құлап, басын жарақаттаған. Кейін Малов оны қайтадан жерге лақтырып, бірнеше рет аяғымен ұрған.
Әйелдің жағдайы ауыр болғанына қарамастан, Малов жедел жәрдем шақырмаған және медициналық көмекке жүгінбеген. Оның орнына ішімдік ішуді жалғастырған.
Келесі күні әйелдің қайтыс болғанын білген ол құқық қорғау органдарына хабар бермей, қараңғы түскенде денесін сарайға шығарып, қылмыстың ізін жасыруға тырысқан.
Сот-медициналық сараптама әйелдің өлімі ауыр жарақат пен қан кету салдарынан болғанын анықтады. Марқұмның денесінде көп қабырғасының сынғаны, ішкі ағзалары мен омыртқасы зақымданғаны тіркелді.
Сотта Владимир Малов кінәсін толық мойындап, өкініш білдірді.
Алайда марқұмның туысы Елена Рафикова үкімді тым жеңіл деп санайды.
— Аз мерзім берді деп санаймын. Бірақ қандай болса да жаза тағайындалды. Апелляцияға шағымдануға қаражатымыз жоқ, — деді ол.
Сонымен қатар ол айыпталушының марқұм ішімдікке әуес болған деген сөзін жоққа шығарды.
Сот Маловтың әрекетін ҚР Қылмыстық кодексінің 106-бабы 3-бөлігі («денсаулыққа қасақана ауыр зиян келтіру, абайсызда өлімге әкеліп соқтыру») бойынша саралады. Оған 8 жыл бас бостандығынан айыру жазасы тағайындалды, жазасын орташа қауіпсіздік мекемесінде өтейді. Сонымен қатар жәбірленушілерге өтемақы қорына міндетті төлем жасауға шешім шығарылды.
Ақпан айында, 2026 жылы, Малов бұған дейін де денсаулыққа зиян келтіргені үшін сотталған еді, бірақ ол кезде шартты жаза алған болатын.
Еске сала кетейік, Капитолина Симанькованың денесі 19 ақпанда сарайдан табылды. Онымен байланыс 13 қаңтарда үзілген. Әйелдің жоғалғаны туралы полицияға оның жиені хабарлаған.
Айнұр САПАРОВА