В Атырау -10 
Қазақстанға танымал автоблогер Руслан Жанпейісов Шымкентте ұсталды. Ол өткен түнді полиция бөлімшесінде өткізді, деп жазады Kazachkov offside.
Мегаполистегі бағынбау дерегі
Алдын ала мәліметтер бойынша, оқиға Шымкентте өтіп жатқан ауқымды рейд кезінде болған. Рейдке еліміздің өзге өңірлерінен келген полицейлер «десанты» жұмылдырылған. Жанпейісов Қарағанды облысынан келген қызметкерлермен сөзге келіп қалған.
Блогердің полицейлерге қызметті қалай атқару керектігі туралы нұсқау бере бастағаны, болған жайтты бейнежазбаға түсіріп, оқиға орнына жергілікті патрульді шақыртқаны хабарланды. Алайда, белсендінің бұл әрекеті басқаша сараланды.
Блогерді қандай жаза күтіп тұр?
Руслан Жанпейісовке қатысты Әкімшілік құқық бұзушылық туралы кодекстің 667-бабы (Құқық қорғау органы қызметкерінің заңды өкіміне немесе талабына бағынбау) бойынша хаттама толтырылды. Бүгін оңтүстік мегаполисте сот отырысы өтуі тиіс. Аталған баптың санкциясы бойынша айыппұл немесе 15 тәулікке дейінгі мерзімге әкімшілік қамауға алу жазасы қарастырылған.
Жазаланушының өткені
Айта кетейік, бұл блогердің сот төрелігімен алғашқы кездесуі емес. 2020 жылы Руслан Жанпейісов бір жылға бас бостандығынан айырылған болатын. Ол кезде ол денсаулыққа орташа ауырлықтағы зиян келтіру және билік өкілін қорлау баптары бойынша кінәлі деп танылған еді.