В Атырау -10 
«Dragon_knm» атымен белгілі қазақстандық блогер Нұргелді Кердеш Моңғолия Президенті Ухнаагийн Хурэлсухпен кездесуінен бейнежазба жариялады.
Автордың айтуынша, кездесуге ол әкесімен бірге барған, ал бұл сапар отбасы үшін олардың шығармашылығына көрсетілген ерекше құрмет белгісі болды.
«Бүгін әкем екеуіміз Монғолия елінің президенті Ухнаагийн Хурэлсухпен кездестік. Осындай жоғары лауазымды адамдар өнерімізді бағалайтынына өте қуаныштымыз», — деп жазды блогер әлеуметтік желідегі парақшасында.
Бұл кездесу Моңғолия Президентінің Қазақстанға жасаған мемлекеттік сапары аясында өтті. Ухнаагийн Хурэлсух Астанаға 20 сәуірде келді, ал 21 сәуірде Қазақстан Президентінің резиденциясында салтанатты қарсы алу рәсімі өтіп, содан кейін шағын және кеңейтілген құрамдағы келіссөздер жүргізілді.
Нұргелді Кердеш әлеуметтік желіде әкесімен бірге түсіретін видеоларымен танымал. Оқырмандардың пікірі мен БАҚ жарияланымдарына сүйенсек, дәл осы отбасылық формат оны Қазақстан шегінен тыс жерлерде, соның ішінде Моңғолия аудиториясы арасында да танымал еткен.