Қазақстанда 14 жаста бизнес ашуға бола ма?

Қазақстан заңнамасына сәйкес, кәмелетке толмағандар белгілі бір шарттар орындалған жағдайда жеке кәсіпкер (ЖК) ретінде тіркеле алады, деп хабарлайды Zanger.

Жас ерекшеліктері

• 14 жасқа дейін – кәсіпкерлікке тыйым салынған.
• 14–18 жас аралығы – ЖК ашуға болады, бірақ ата-анасының немесе қамқоршыларының жазбаша келісімі қажет.
• 16 жастан бастап – эмансипация арқылы толық дербестікке қол жеткізуге болады (еңбек шарты бар болса немесе ата-анасының келісімімен кәсіппен айналысса).
• Некеге тұру – заң бойынша ерекше жағдайларда неке жасы төмендетілуі мүмкін, бұл автоматты түрде толық әрекет қабілеттілік береді.

Қалай тіркеледі?

Жасөспірімдер үшін рәсім стандартты, бірақ қосымша құжаттар қажет:

• ата-анасының/қамқоршыларының келісімі;
• немесе эмансипацияны растайтын шешім.

Өтінішті:

• eGov.kz порталы арқылы;
• банктердің мобильді қосымшалары арқылы (техникалық мүмкіндік болса);
• Мемлекеттік кірістер органдарында немесе ХҚКО-да беруге болады.

Маңыздысы

ЖК ашқан жасөспірім өз бизнесіне байланысты салықтық және шарттық міндеттемелерді өзі атқарады. Сондықтан кәсіпкерлікке ерте кірісу жауапкершілікпен қатар жүреді.