В Атырау -10 
Мәжіліс депутаты Мұрат Әбенов Астанада орын алған елді елең еткізген күдіктілерді ұстау дерегі туралы мәлімдеме жасады.
Өзінің Facebook-тегі парақшасында ол түнде «Хайвилл» (Highvill) тұрғын үй кешені ауданындағы пәтерлердің бірінде ҚР Ішкі істер министрлігінің қызметкерлері қаруланған екі шетелдікті ұстағанын жазды. Жарияланған жазбада тәркіленген мылтықтар мен тапаншалар туралы айтылады.
Мұрат Әбенов сонымен қатар бұл оқиғадан Қазақстанның Бас прокуратурасы хабардар ма деген сұрақ қойды. Өз хабарламасында ол оқиға орын алған ауданның әкімшілік және үкіметтік ғимараттарға қарама-қарсы орналасқанын ерекше атап өткен.
Ақпарат жарияланған сәтте Ішкі істер министрлігі, Бас прокуратура немесе өзге де мемлекеттік органдар тарапынан бұл мәселеге қатысты ашық дереккөздерде ресми түсініктеме берілген жоқ.