Атырау, 28 қараша 21:53
 ашық В Атырау -1
$ 423.87
€ 505.25
₽ 5.59

Царнаевтың әпкесі сотқа тартылды

1 514 рет қаралды
Бостон марафонындағы жарылыстарға күдікті Джохар Царнаевтың әпкесі Айлина Царнаева жалған ақшаны пайдалану ісі бойынша Бостон федералдық сотына тартылды.  

22 жастағы Айлина Царнаева үш жыл бұрын мейрамханада жалған ақша төлемек болған жерінен ұсталған еді. Екі жарым жыл бұрын өткен алғашқы сот отырысынан соң кейінгі сотқа келмей қойғандықтан, оны қамауға алу туралы санкция шыққан.  

16 қазанда өткен тыңдаудан кейін Айлина Царнаева 4 желтоқсанда өтетін сот отырысына дейін кепілсіз босатылды.

Адвокаты "Царнаеваның әрекеттерін теріс болжап отырған сотқа жағдайды түсіндіру үшін өз еркімен келгенін" айтады. Айлина Царнаева өзін айыпты санамайды.

Полиция "Царнаева мейрамханада бірге болып, кейін оны көлігімен алып кеткен күдікті туралы ақпарат беруден бас тартып отыр" дейді.  

Прокуратура судьядан Царнаеваны тек кепілге босатуды сұраған. Бірақ адвокаттары "жас баласы бар, аяғы ауыр Царнаеваның соттан бой тасалай алмайтынын" айтқан.

Бостондағы жарылыстардан соң Айлина Царнаева ФБР агенттеріне жарылысқа күдікті бауырлары - Джохар және Тамерлан Царнаевтармен "бірнеше жыл бойы араласпағанын" мәлімдеген.

15 сәуірде Бостонда марафон кезінде болған екі жарылыстан 3 адам қаза тауып, 173 адам жараланған. Жарылыстан соң негізгі күдіктінің бірі Джохар Царнаев ұсталды, онымен араласқан қазақстандықтар - Қадырбаев пен Тәжаяқов та тұтқындалды.
 
Дереккөз: Азаттық радиосы
17 қазан 2013, 14:49

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.