В Атырау -10 
20 сәуірдегі соңғы мәліметтерге сәйкес, Сабах штатының Сандакан қаласында шыққан өрт шамамен 1000 үйді жойып, 9000-нан астам адамды баспанасыз қалдырды. Қазір тұрғындар уақытша лагерьлерге орналастырылған, деп хабарлайды Euronews.
Өрт жексенбі күні таңертең басталып, теңіз үстіндегі ағаш үйлерге тез тараған. Құтқарушылардың айтуынша, жалынның күшеюіне қатты жел мен тығыз орналасқан құрылыстар себеп болған. Сонымен қатар, тар көшелер мен теңіздің қайтуы өрт сөндіруді қиындатқан.
Қаза тапқандар туралы ақпарат түскен жоқ, алайда мыңдаған адам эвакуацияланды. Сабах жағалауында орналасқан «судағы ауылдар» жиі инфрақұрылымсыз қалады, ал олардың тұрғындары негізінен әлеуметтік тұрғыдан әлсіз топтарға жатады.
Малайзия премьер-министрі Анвар Ибрагим федералдық және жергілікті билік органдарының көмек көрсету жұмыстарын үйлестіріп жатқанын мәлімдеді. Өрттің нақты себебі әлі анықталуда.