В Атырау -10 
Ақтауда «Хан» есімімен танымал тамада және оның жұбайы әлеуметтік желіде өздеріне қатысты бейнежазбаның таралуына байланысты бейнеүндеу жариялады.
Тамаданың айтуынша, бұл ролик әдейі жарияланбаған және «хайп» үшін түсірілмеген. Ол видеоның құпия файлда сақталғанын және желіге фото-видео түсіруші мобилограф арқылы таралып кетуі мүмкін екенін алға тартты.
«Біз мұның хайп емес екенін айтқымыз келеді. Мұндай видео арқылы танымалдылық жинайтындай ақымақ емеспіз. Біз оны жасырын файлда сақтадық. Менің мобилографым сол файлды ашып, таратып жіберген сияқты. Қазір біз бұл жағдайды анықтап жатырмыз», — деді тамада.
Ол сондай-ақ бұл жағдайдың отбасына ауыр соққы болғанын атап өтті.
Тамаданың жұбайы өз кезегінде желі қолданушыларынан роликті әрі қарай таратпауды өтінді. Оның айтуынша, соңғы күндері оған бейтаныс ер адамдардан көптеген хабарламалар келіп түскен, ал болған жағдай отбасы үшін үлкен күйзеліс тудырған.
Әйел қолданушылардан видеоны көруді және бір-біріне жіберуді тоқтатуды, сондай-ақ бар болса өшіріп тастауды өтінді.
Бұл оқиға қоғамда жеке өмірге қол сұғылмаушылық, цифрлық қауіпсіздік және жеке материалдарды интернетте таратқаны үшін жауапкершілік мәселелерін қайта көтерді.