В Атырау -10 
Қарағанды облысында полиция жедел-іздестіру іс-шаралары барысында аса ауыр қылмыс жасады деген күдікпен 43 жастағы ер адам ұстады. 5 жыл бойы халықаралық іздеуде жүрген қылмыскер құпия орында бой тасалаған, – деп хабарлайды Polisia.kz.
Аталған тұлға бопсалау қылмысы бойынша 5 жыл бойы халықаралық іздеуде болған. Алдын ала деректерге сәйкес, оның қала тұрғынын қорқытып, күш қолданып, 117 миллион теңге бопсалауға қатысы бар.
– Арнайы операция Қарағанды қаласының аумағында, жекеменшік тұрғын үйлердің бірінде жүргізілді. Тінту барысында полиция қызметкерлері арнайы жабдықталған жасырын орынды анықтап, іздеудегі күдіктінің сол жерде жасырынып жүргенін әшкереледі, – деді Қарағанды облысы полиция департаменті бастығының бірінші орынбасары Қуаныш Орынбетов.
Қазіргі уақытта ұсталған азамат уақытша ұстау изоляторына қамауға алынды. Сотқа дейінгі тергеу амалдары жүргізіліп жатыр.
Бүгін, 15:53