Сақтандыру төлемі жетпей қалды ма? Конституциялық Сот көлік иелерінің құқықтарын түсіндірді

Конституциялық Сотқа азамат жол-көлік оқиғасынан кейінгі залалды өндіру ісіне қатысты өтініш түсірді. 

Ол Жоғарғы Соттың 2017 жылғы сақтандыру дауларына арналған қаулысының бір тармағы материалдық шығынды өндіріп алу құқығын шектейді деп есептеген.

Сот бұл норманың ешқандай тыйым салмайтынын және азаматтардың құқықтарын тарылтпайтынын атап өтті. 

Ол тек заңды қалай қолдану керектігін түсіндіреді. Заң бойынша залалды өндіру мүмкіндігі сақталады: егер сақтандыру төлемі жеткіліксіз болса, шығынды сақтанушыдан да талап етуге болады.

Конституциялық Сот өтініш иесінің уәждері нақты даудың нәтижесімен келіспеуге саятынын айтты. Ал сақтандыру компаниясының шешімдерін немесе сот актілерін қайта қарау оның өкілеттігіне кірмейді.