В Атырау -10 
Қостанай қаласының прокуратурасы жүргізген талдау барысында кәсіпкерлік субъектісінің құқықтарының бұзылғаны анықталды.
Салық органының бұйрығы негізінде жүргізілген хронометраждық зерттеу кезінде фискалдық орган қызметкерлері тексеру нысандарының кіреберістерін күн сайын мөрлеп отырған.
Алайда мұндай әрекеттер қолданыстағы заңнамада көзделмеген. Бөлім басшысы жағдайдан хабардар болғанымен, құқық бұзушылықтың алдын алу шараларын қабылдамаған.
Осыған байланысты прокуратура лауазымды тұлғаның әрекетсіздігі үшін әкімшілік іс қозғап, ол ҚР Әкімшілік құқық бұзушылық туралы кодексінің 173-бабына сәйкес қаралды. Сот қадағалау органының уәждерін қолдап, қызметкерді кінәлі деп таныды және оған 100 АЕК көлемінде айыппұл салды.
Прокуратура кәсіпкерлердің құқықтарын қорғау және мемлекеттік органдардың заңсыз араласуының алдын алу бойынша жүйелі жұмысты жалғастыратынын мәлімдеді.