Мәскеуде өзбек азаматы өлтірілді

Кеше ғана халықтың наразылық шаралары өткен Мәскеудің Бирюлево ауданында тағы да кісі өлімі орын алды. Бұл жолы белгісіз біреулер Өзбекстан азаматын азаптап өлтірген. 

"Интерфакс" агенттігі хабарлағандай, марқұмның денесі теміржолға жақын жердегі көшелердің бірінен табылған. Тәртіп сақшылары тексере келе, оның өзбек азаматы екендігін анықтады.
Айта кетейік, соңғы бір апта көлемінде Шығыс Бирюлево ауданынан тыныштық кетті. 25 жасар орыс жігітін Әзірбайжан азаматы өлтіргеннен кейін, жергілікті тұрғындар "көтеріліске" шығып, келімсектерге қарсы акция өткізді. Өзбекстандықтың өліміне осы жайт та себеп болуы мүмкін.

Дереккөз: Baq.kz