В Атырау -10 
Қылмыстық-атқару жүйесі комитеті (ҚАЖК) Перизат Қайраттың қазіргі уақытта түзеу мекемесінде тұрмыстық қызмет көрсетуші (жинаушы) болып жұмыс істейтінін хабарлады.
Ведомство мәліметінше, қайырымдылық қорының бұрынғы басшысы қызметтік үй-жайларды жинаумен айналысады.
ҚАЖК сонымен қатар сотталғандардың мекеме ішінде 48 мамандықтың бірін игеруге мүмкіндігі бар екенін ескертті. Атап айтқанда, колонияда аспаз, киім модельері немесе омарташы кәсібін меңгеруге болады.
Перизат Қайрат үш жыл бойы «Biz Birgemiz Qazaqstan 2030» қорын басқарды. Ол 2024 жылдың қарашасында су тасқынынан зардап шеккендерге көмек ретінде жиналған 1,5 миллиард теңгені жымқырды деген күдікпен ұсталған болатын. Тергеу нұсқасы бойынша жиналған қаражаттың бір бөлігі жылжымайтын мүлік пен автокөлік сатып алуға, сондай-ақ шетелдік сапарларға жұмсалған.
Кейін ол Палестина тұрғындарына гуманитарлық көмек ретінде жиналған ақшаны да жымқырды деп күдікке ілінді. 2025 жылғы наурызда қор сот шешімімен таратылды.
Шілде айында сот Перизат Қайратты орташа қауіпсіздік мекемесінде жазасын өтеу үшін 10 жылға бас бостандығынан айырды. Оның анасы Ғайни Алашбаева 7 жылға сотталды.