Дрондар ескерту береді: Ақтөбеде балалардың терезеден құлауына қарсы күрес басталды

Актөбе облысының Төтенше жағдайлар департаменті балалардың терезеден құлап кетуінің алдын алу мақсатында ұшқышсыз ұшу аппараттарын пайдалана отырып, профилактикалық жұмыстар жүргізіп жатыр.

Дрон арқылы көпқабатты тұрғын үйлердің маңында арнайы дауыс зорайтқышпен қауіпсіздік ережелері туралы ескерту берілді.

Тұрғындарға балаларды қараусыз қалдырмау, терезелерге қорғаныс құралдарын орнату және қауіпсіздік талаптарын сақтау қажеттігі түсіндірілді.

Іс-шараның мақсаты – жазатайым оқиғалардың алдын алу және тұрғындардың қауіпсіздік мәдениетін арттыру.