Көліктер міндетті түрде тексеріледі

– «Тойота-орталықтан» машина сатып алғалы жатырмын. Соңғы кездері орын алған жағдайларға байланысты олардың радиация деңгейі тексеріле ме, жоқ па, соны білгім келеді.

Телефон арқылы

«Тойота Центр Атырау» сату және маркетинг департаментінің директоры Константин ЛЕВИН: «Бізге әзірге ондай шағымдар түсе  қойған жоқ. Қазір бізге ақпан айында шығарылған автокөліктер келуде. Дегенмен, тексерілетін болады. Өйткені «Тойота» өз машиналарының радиоактивті болып сатылуына жол бермейді. Машиналар Жапониядан Еуропаға дейін теңізбен келеді, одан вагондармен  Алматыға жеткізіледі. Сол жерде  кедендік тазартудан өтеді және сертификат алады. Шекарадан өту кезінде автокөліктер радиоактивтілігі бойынша тексеруден өткізіледі».