Атырау маңайында қамыс өртенді

Атырауда ашық аумақта өрт шықты — Құттығай батыр көшесінен шамамен төрт шақырым жерде қамыс пен жыңғыл өртенді.

Құтқарушылардың мәліметінше, оқиға орнына ТЖД бөлімшелері жедел жетіп, өртті сөндіруге кірісті. Тілсіз жауды ауыздықтауға 27 адам мен жеті бірлік техника, соның ішінде «Семсер Өрт сөндіруші» ЖШС, «Арнаулы автобаза» ЖШС және жергілікті атқарушы органдардың қызметкерлері қатысты.

Бірлескен әрекеттердің нәтижесінде өрт толықтай сөндірілді. Зардап шеккендер жоқ, деп хабарлады ТЖД-де.

<br>