Ириклин су қоймасына су келу​ екі күн қатарынан азайды

3 сәуірдегі мәліметке сәйкес, Ириклин су қоймасына секундына 625 текше метр су келіп жатыр. Бұл көрсеткіш 1 сәуірде – 1075, ал 2 сәуірде – 800 текше метр болған еді.

Су жіберу көлемі өзгеріссіз қалып отыр – секундына 60 текше метр. Су қоймасындағы деңгей Балтық жүйесі бойынша 242,03 метрге жетіп, тәулігіне 29 сантиметрге көтерілген. Дегенмен бұл әлі қалыпты деңгейден 2,97 метрге төмен. Қойма толығуын жалғастыруда.

2 сәуірдегі дерек бойынша, су қоймасы 75 пайызға толған: жалпы сыйымдылығы 3257 млн текше метр болса, оның 2467 млн-ы толған, ал 790 млн текше метр бос күйінде қалған.

Осыған байланысты Орынбор облысындағы Жайық өзенінің деңгейі әртүрлі бағытта өзгеруде:

• Орск қаласында – 5 см төмендеп, 185 см болды.
• Орынборда – тәулігіне 7 см өсіп, 508 см-ге жетті.
• Ілек ауданында – бірден 34 см көтеріліп, 453 см болды.
• Сақмар өзені Татар Қарғалы маңында – 11 см төмендеп, 389 см-ге түсті.