В Атырау -10 
Брюссельде төртінші рет ұйымдастырылған Bel’Oeuf көрмесінде елдің түкпір-түкпірінен келген 40-қа жуық шоколатье өз туындыларын ұсынды, деп хабарлайды Euronews.
Биылғы тақырып – «Қозғалыстағы ләззат».
8 сәуірге дейін Amigo қонақүйінде жалғасатын көрмеде пойыз, зымыран, велосипед, арба және әуе шарлары секілді композициялар қара, сүтті және ақ шоколадтан жасалған. Әрбір жұмысқа 18 келіге дейін шоколад және 25 сағатқа жуық еңбек жұмсалады, бірақ барлық бөлшек толықтай жеуге жарамды.
Көрме Бельгияның Еуропадағы ең танымал шоколад өндіруші ел ретіндегі беделін нығайта түседі. Жоба авторы Марк Дюкобю бұл алаңды төрт жыл бұрын шеберлерге техникалық әрі шығармашылық сынақ ретінде құрған.
Кіру билеті – 10 еуро. Ал туындылардың бағасы 900 еуродан басталады. Түскен қаражат Télévie қоры арқылы қатерлі ісікке қарсы зерттеулерді қолдауға бағытталады. Ұйымдастырушылардың айтуынша, бұл көрме какао жеткізу тізбегіндегі қиындықтар мен плантациялардағы аурулар салдарынан соңғы жылдары қымбаттаған шоколад нарығына оң серпін беруді көздейді.