Ербаян Рүстемұлының қазасы: рота командиріне салғырттық пен билікті асыра пайдалану айыбы тағылды

27 қаңтарда қаза болған сарбаз Е. Рүстемұлының өліміне қатысты қозғалған қылмыстық істің тергеуі аяқталды.

Тергеу барысында рота командирінің қызметке салғырт қарағаны анықталды. Ол жеке құрамның қызметін және қаруды қолдануын бақыламаған, сондай-ақ қаза болған сарбаздың қызметтестеріне қатысты билік өкілеттігін асыра пайдаланған.

Қажетті дәлелдер қысқа мерзімде жиналып, іс сотқа қарауға жіберілді.

Сарбаздың өліміне қатысты басқа да мән-жайларды анықтау бойынша тергеу жалғасуда. Бұл іс Бас әскери прокуратураның ерекше бақылауында.

Қылмыстық-процестік кодекстің 201-бабына сәйкес, алдын ала тергеу деректерінің басқа мәліметтері жарияланбайды.