В Атырау -10 
Семейде 42 жастағы ер адам мас күйінде электрлік велосипед басқарғаны үшін 20 тәулікке қамауға алынды.
Құқық бұзушылық Молдағалиев көшесінде патрульдеу кезінде анықталған.
Полицияның мәліметінше, автопатруль жергілікті тұрғын тізгіндеген электровелосипедті тоқтатқан. Тексеру кезінде жүргізушіден ішімдіктің өткір иісі шығып тұрған соң, ол наркологиялық диспансерге медициналық куәландыруға жіберілді. Сараптама ер адамның жеңіл дәрежедегі мас екенін растады.
Бұған қоса, жүргізушінің көлік құралын басқаруға рұқсат беретін жүргізуші куәлігі мүлдем болмағаны анықталды.
Сот шешімімен ер адам 20 тәулікке әкімшілік қамауға алынды және 7 жыл мерзімге көлік құралдарын басқару құқығын алу мүмкіндігінен айырылды. Электрлік велосипед айыппұл тұрағына жөнелтілді.
Тәртіп сақшылары кез келген көлікті, соның ішінде электровелосипедті мас күйінде басқару жол қозғалысына қатысушылардың өмірі мен қауіпсіздігіне үлкен қатер төндіретінін ескертеді.