Астанада 1,5 млн теңгенің ұрлығы ашылды

Астана қаласында полицейлер ірі көлемдегі ұрлық дерегін әшкереледі. Күдікті — 20 жастағы қала тұрғыны, деп хабарлайды Polisia.kz.

Алдын ала мәліметтерге сәйкес, оқиға түнгі уақытта елорданың дәмханаларының бірінде болған. Күдікті келушінің үстел үстінде жатқан Samsung телефонын жасырын түрде алып кеткен. Кейін жәбірленушінің банктік қосымшаларына заңсыз кіріп, Kaspi банк картасынан 680 мың теңге, Halyk банк картасынан 725 мың теңге шешіп алған.

Жалпы материалдық шығын 1,5 млн теңгені құрады. Жедел-іздестіру шаралары барысында күдікті ұсталып, өз кінәсін мойындады. Қазіргі уақытта аталған факті бойынша сотқа дейінгі тергеу амалдары жүргізілуде.