ҰҚК мен полицияның арнайы операциясы: 118 қару тәркіленді

Сурет

486 рет қаралды

2026 жылдың басынан бері Ұлттық қауіпсіздік комитеті полициямен бірлесіп, қару-жарақтың заңсыз айналымына тосқауыл қою бойынша бірқатар арнайы операция жүргізді.

Құзырлы органдар прокуратураның үйлестіруімен Қазақстанның аймақтарын «сүзіп шықты», нәтижесінде заңсыз айналымнан 118 бірлік атыс қаруы тәркіленді.

Ұсталғандардан нақты не табылды:

6 Калашников автоматы;
83 мылтық;
29 тапанша;
15 граната;
Әртүрлі калибрлі 859 оқ-дәрі.

«Анықталған барлық дерек бойынша жедел-тергеу амалдары жүргізіліп жатыр. Өзге ақпарат тергеу мүддесіне байланысты және Қылмыстық-процестік кодекстің 201-бабына сәйкес жария етуге жатпайды», — деп түсіндірді ҰҚК өкілдері.

Ведомство заңсыз арсеналды анықтау және тәркілеу жұмыстары бүкіл республика бойынша жоспарлы режимде жалғасып жатқанын атап өтті.

31 наурыз, 11:06

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.