Атырау, 23 шілде 23:05
 бұлттыВ Атырау +29
$ 473.15
€ 515.12
₽ 5.40

Мәскеуде 1600 мигрант ұсталды

1 442 просмотра
Полиция көкөніс базарында мигранттарды ұстап жатыр. Мәскеу, Бирюлево ауданы, 14 қазан 2013 жыл. Полиция көкөніс базарында мигранттарды ұстап жатыр. Мәскеу, Бирюлево ауданы, 14 қазан 2013 жыл. Мәскеуде құқық қорғау органдары арнайы операция жүргізіп, 1600-ге тарта мигрантты ұстады. Операция Мәскеудің Бирюлево ауданында ұлты орыс жас жігіттің қазасынан соң басталған жаппай толқулардан бір күн өткеннен кейін жүргізілді. Жергілікті тұрғындар жас жігіттің өліміне кавказдық азаматты кінәлайды.

Өткен жексенбіде полиция 380 адамды ұстаған, олардың көпшілігі - негізінен ұлтшылдар мен футбол фанаттары. Тәртіпсіздіктерге қатысушылар полициямен қақтығысып, дүкендердің терезелерін, мигранттар жұмыс істейтін басқа да орындарды қиратқан.

Дүйсенбіде Бирюлевода 200-ге тарта адам қатысқан шеруден соң 10 адам ұсталған.

Мигранттар құқығын қорғаушы белсенділер Мәскеуде ұлтаралық зорлық-зомбылық тұтануы мүмкін деп ескертеді.

Ресейдің адам құқықтары жөніндегі уәкілі (омбудсмен) Владимир Лукин "ресейліктер бірге өмір сүріп, елді этникалық негізде бөлу әрекеттеріне қарсы тұруды үйренулері керек" деген.
 
Дереккөз: azattyq.org
15 қазан 2013, 11:36

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 700 672 70 30 нөміріне және editor@azh.kz поштасына жібере аласыз.