Ливияның премьер-министрін ешкім ұрлаған жоқ, ол тұтқындалды – Ливия ІІМ

Бүгін таңертең ІІМ қызметкерлері Ливияның премьер-министрі Әли Зейданды ұстады. Бұл туралы ИТАР-ТАСС министрлік жанындағы қылмыспен күрес басқармасына сілтеме жасай отырып хабарлады.

«Оны ешкім ұрлаған жоқ», - деп ЛАНА ақпараттық агенттігі ведомство өкілдерінің сөзін келтірді.

Бұғанға дейін белгісіз қаруланған адамдардың "Коринтия" қонақүйіне кіріп, премьер-министрді қарумен қорқытып алып кеткені туралы ақпарат тараған болатын.

«Әл-Жазира» телеарнасының мәліметтері бойынша, премьер-министр бас прокуратураның бұйрығымен ұсталды. Ол бұрынғы көтерілісшілерден құралған «жедел штаб» пен ІІМ-нің біріккен операциясы кезінде құрықталған.

Ал "Скай ньюс - Арабия" телеарнасының ақпараты бойынша, Зейданның сыбайлас жемқорлық пен америкалық арнайы қызметтінің "Аль-Каида" басшыларының бірін ұстауына қатысы бар.

Дегенмен, "Аль-Арабия" арнасының хабарлауынша, бас прокурор саясаткерді тұтқындауға ордер бермеген.

Дереккөз: bnews.kz