В Атырау 0
Қызылқоға ауданына қарасты Мұқыр селосының тұрғындарына «Халыққа қызмет көрсету орталығы» РМК мен «Қазпошта» АҚ-ның бірлескен пилоттық жобасы шеңберінде мемлекеттік қызмет көрсету жұмыстары басталды.
Облыстық ХҚКО-ның мониторинг қызметінің БАҚ-мен байланыс менеджері Нұрлыбек БАҚТЫҒАЛИДЫҢ айтуынша, енді Мұқыр халқы электронды түрде мекенжай анықтамасын, жеке және заңды тұлғаларға жылжымайтын мүліктің бар-жоғы туралы анықтаманы, сотталғандығы жөнінде анықтаманы, жұмыссыздық туралы анықтаманы, некеде тұру немес некені бұзу туралы анықтаманы және басқа да қажетті құжаттарды аудан немесе облыс орталығына бармай-ақ ала алады.
Пошта байланысының селолық бөлімдеріндегі мемлекеттік қызмет көрсетудің пилоттық жобасы республикамыздың 5 облысында - Ақмола, Атырау, БҚО, Павлодар, Қызылорда облыстарында жүзеге асырылуда.
Айнұр САПАРОВА
WhatsApp арқылы хабар жіберу