В Атырау -10 
Испанияның оңтүстігінде «Леонардо» дауылы соғып, қатты жауын-шашын мен су тасқынына әкелді. Қызыл деңгейдегі қауіп сақталып отыр, деп хабарлайды Евронью́с.
Кадис провинциясындағы Грасалема қаласында тәулігіне 470 литрден астам жауын-шашын түскен. Қаладағы дренаж жүйелері суға төтеп бере алмай, өзен арнасынан асып, көшелерді су басты.
Төтенше жағдай қызметі төменгі аймақтардан шамамен 60 тұрғынды эвакуациялады. Қала мэрі 5 ақпан күні кешке қарай тау бөктеріндегі үйлерге де қауіп төнуі мүмкін екенін ескертті.
Қызыл деңгейдегі ескерту күшінде. Алдағы уақытта тағы 150 литрге дейін жауын-шашын күтілуде. Желдің жылдамдығы сағатына 80 км-ге дейін жетуі ықтимал.Мектептерде сабақтар тоқтатылды, тұрғындарға сапардан бас тарту ұсынылды.
Ел бойынша жүздеген оқиға тіркелді: жолдардың жабылуы, электр қуатының үзілу қаупі және көшкін қаупі артып отыр. Бірнеше апта бойы жауған жауыннан жер қанығып, жаңа оползеньдер қаупін күшейтті.