Атырау облысындағы «Бутадиен» жобасынан негізгі инвестор шығып кетті

115 рет қаралды

Petrocouncil.kz мәліметінше, «Татнефть» компаниясы Атырау облысында жүзеге асырылуы тиіс болған «Бутадиен» жобасына қатысуды тоқтатты.

Жобаның құны шамамен 1 миллиард АҚШ долларын құрады. Ол бутадиен мен оның негізіндегі өнімдерді өндіретін мұнай-химия кешенін салуды көздеген. Бұл жоба Қазақстан мұнай-химиясын жоғары қосылған құнмен дамытудағы негізгі бағыттардың бірі ретінде қарастырылған еді.

Бастапқыда «Бутадиен» бірлескен кәсіпорын форматында іске асырылуы тиіс болған: үлестің 75 пайызы «Татнефтьке», ал 25 пайызы қазақстандық тарапқа тиесілі еді.

Белсенді кезең басталмай қалды

Желтоқсан айында EPC-мердігерді анықтау жоспарланғаны хабарланған болатын. Бұл жобаның белсенді іске асырылу кезеңіне көшуін білдіретін. Алайда негізгі стратегиялық инвестордың жобадан шығуы оның мерзімдері мен форматына айтарлықтай әсер етуі мүмкін.

Қазіргі уақытта жобаның параметрлерін қайта қарау, жаңа серіктес іздеу немесе оны қайта форматтау туралы ресми ақпарат жарияланған жоқ.

Бүгін, 13:11

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.