В Атырау -10 
Түркістан облысында құқық қорғау органдарының қызметкерлері алтынды заңсыз өндіру дерегін анықтады. Тексеру барысында 12 адамнан тұратын топтың бағалы металл бар учаскелерді өз бетінше игерумен айналысқаны белгілі болды.
Тергеу мәліметтері бойынша, жұмыстар рұқсат құжаттарынсыз, экологиялық заңнама талаптары мен өнеркәсіптік қауіпсіздік нормаларын бұза отырып жүргізілген. Заңсыз қызмет нәтижесінде шамамен 451 грамм алтын өндірілген.
Аталған фактілер бойынша Қазақстан Республикасы Қылмыстық кодексінің 295-1-бабы 1 және 3-бөліктерінде көзделген құқық бұзушылық белгілерімен сотқа дейінгі тергеп-тексеру басталды.
Күдікті тұлғаларға қатысты қажетті тергеу әрекеттері жүргізіліп, 5 күдіктіге қатысты үйқамақ түріндегі бұлтартпау шарасы қолданылды.
Прокуратура заңсыз пайдалы қазбаларды өндіру экологияға елеулі қауіп төндіретінін, мемлекеттің экономикалық қауіпсіздігіне нұқсан келтіретінін және қылмыстық жауаптылыққа әкелетінін ескертеді.