В Атырау
-3 
Облыстың орталық мешітінің бас имамы Амантай СӘДИЕВ биыл Меккеге қажылық сапарға Атыраудан 70-ке жуық адамның аттанғанын мәлім етті.
-Оларға сапар алдында арнайы ақпараттық дәрістер өткізілді. Сонымен қатар жұқпалы аурулардың алдын алу мақсатында вакцина жасалды, себебі Сауд Арабиясы қолында вакцина егілген деген арнайы құжаты жоқ жандарды елге кіргізбейді, - деді бас имам.
Оның айтуынша қажылықтың мақсаты – сапарлау немесе дүние-мүлік әкелу емес, рухани тазалану, қажылықтан адам өзі үшін үлкен өзгерістермен келу керек. Биыл қажылыққа барған адамдардың қайтар кездегі жүгі 20 кг-нан артық болмауы қадағаланады, себебі кейде адамдар қызығып, түрлі нәрселерді сатып алуға әуес, ал зәмзәм суы 10 литрден артық болмауы тиіс.
Айта кетейік, шариғат бойынша қажылық сапарға кәмелетке толған, ақыл-есі дұрыс, денсаулығы жақсы, дәулеті жетерлік, өзгеге қарызы жоқ мұсылман ғана аттана алады.
Нұргүл ХАЙРУЛЛИНА