В Атырау -10 
Ақтөбе облысында сот кәмелетке толмаған қызға азғындық жасап, зорлағаны үшін кінәлі деп танылған Ойылдың 64 жастағы тұрғынына қатысты үкім шығарды, деп хабарлайды Диапазон.
Сот барысында анықталғандай, жәбірленуші 14 жастағы мектеп оқушысы. 2025 жылдың қазанында мектепте сабақ үстінде оны толғақ қысқан. Қыз шұғыл түрде аудандық ауруханаға, содан кейін жаңа туған баласымен бірге облыстық перинаталдық орталыққа жеткізіледі. Осы уақытқа дейін оның жүктілігі туралы туыстары да, ұстаздар да білмеген.
Тергеу нәтижесінде баланың әкесі қыздың нағашы әжесінің жұбайы екені анықталды. Ер адам болған оқиғаның мән-жайы анықталғаннан кейін бірден ұсталды.
3 ақпанда мамандандырылған ауданаралық қылмыстық істер жөніндегі сот үкім шығарды - зейнеткер 21 жылға бас бостандығынан айырылды. Судья Алтынбек Сабыров жаза тағайындау кезінде сотталушының зейнеткерлік жасы ескерілгенін түсіндірді. Әйтпесе, оған өмір бойына бас бостандығынан айыру жазасын тағайындауы мүмкін еді.
Ер адам Қылмыстық кодекстің 120-бабының 3-бөлігі (зорлау, бірнеше рет жасалған) және ҚК 124-бабының 3-бөлігі (16 жасқа толмаған адамды азғындау, бірнеше рет жасалған) бойынша кінәлі деп танылды. Ол жазасын орташа қауіпсіздік мекемесінде өтейтін болды.
Сот үкімі әлі заңды күшіне енген жоқ.