Райымбек Баталов ҚР Президентінің штаттан тыс кеңесшісі болып тағайындалды

Райымбек Баталов Қазақстан Республикасы Президентінің кәсіпкерлікті дамыту мәселелері жөніндегі штаттан тыс кеңесшісі болып тағайындалды.

Райымбек Баталов бұған дейін "Атамекен" Ұлттық кәсіпкерлер палатасы төралқасының төрағасы қызметін атқарды және ұйымды 2022 жылдың ақпанынан 2026 жылдың қаңтарына дейін басқарды.

Білімі 

Райымбек Баталов 1998 жылы Қазақ сәулет-құрылыс академиясын "инженер-құрылысшы"мамандығы бойынша бітірген.

Еңбек жолы

Райымбек Баталов әр жылдары ірі өнеркәсіптік және инфрақұрылымдық жобаларда басшылық қызметтерді атқарды, оның ішінде:

• "Риддер Инвест" металлургиялық кешенінің басқарушы директоры;
• "Новоджамбыл фосфор зауыты" химиялық кешенінің басшысы;
• Тобыл элеваторының, Меркідегі қант зауытының, Шымкент ЖЭО-3 басқарушысы;
• "Райымбек" сауда фирмасының негізін қалаушы және Raimbek холдингі директорлар кеңесінің төрағасы (1992 жылдан бастап).

Қоғамдық және сараптамалық қызметі 

Райымбек Баталов елдің кәсіпкерлік және экономикалық саясатын қалыптастыруға белсенді қатысады. Ол бірқатар маңызды қоғамдық және сараптамалық лауазымдарды атқарды және атқаруда, олардың арасында:

• Қазақстан Кәсіпкерлер форумы Кеңесінің төрағасы (2002);
• Шанхай ынтымақтастық ұйымы Іскерлік кеңесінің басшысы (2005);
• ҚР Мәжілісі жанындағы Қоғамдық палатаның мүшесі (2007);
• ҚР Президенті жанындағы Кәсіпкерлік жөніндегі кеңестің мүшесі (2010 жылдан бастап);
• Еуразиялық экономикалық комиссияның Кәсіпкерлік мәселелері жөніндегі консультативтік комитетінің тәуелсіз сарапшысы (2012);
• ҚР Президенті жанындағы Реформалар жөніндегі жоғары кеңестің мүшесі (2022 жылдан бастап);
• "Даму" Кәсіпкерлікті дамыту қоры директорлар кеңесінің мүшесі;
• ҚР Президенті жанындағы Ұлттық құрылтайдың мүшесі.