В Атырау -10 
2025 жылы облыс аумағында хабар-ошарсыз кеткендерге қатысты 974 хабарлама тіркелген.
Полиция департаментінің Криминалдық полиция басқармасының дерегінше, оның 509-ы кәмелетке толмағандарға қатысты. Жедел-іздестіру шараларының нәтижесінде 971 адамның жүрген жері анықталып, табылды.
2026 жылдың есептік мерзімінде 47 хабарлама тіркеліп, соның 45-і бойынша жоғалғандар табылған.
Полиция азаматтарға қарапайым қауіпсіздік ережелерін сақтауды ескертеді:
- Жақындарыңызбен үнемі байланыста болыңыз, ұзақ сапарға шыққанда байланыс құралдарының жарамды екеніне көз жеткізіңіз.
- Жеке куәлікті өзіңізбен бірге алып жүріңіз.
- Орналасқан жерді анықтайтын қосымшаларды пайдаланыңыз.
- Бейтаныс аумақтарда жергілікті жағдайды ескеріп, түнде қолайсыз аймақтарға жалғыз бармаңыз.
- Балаларды қауіпсіз жүріп-тұруға және күтпеген жағдайларда дұрыс әрекет етуге үйретіңіз.
Адам жоғалған жағдайда уақыт жоғалтпай, дереу полицияға немесе іздестіру органдарына хабарласу қажет.
Бүгін, 21:31