​FlyArystan компаниясының бұрынғы қызметкерлерінен мүлік тәркіленді

Сот FlyArystan әуе компаниясының бұрынғы қызметкерлерін сеніп тапсырылған қаражатты иемдену және жымқыру ісі бойынша кінәлі деп танып, олардың мүлкін тәркілеу туралы шешім шығарды.

Тәркілеуге жататын мүлікке автокөліктер, пәтерлер, автотұрақ орындары және банктік шоттар мен криптовалюталық платформалардағы қаражат кіреді, деп хабарлайды Информбюро.

Іс бойынша Дәуір Еркінұлы, Еркін Исанов және Ренат Әбілханов сотталды. Тергеу деректеріне сәйкес, олар 2019–2024 жылдар аралығында компанияның қаржысын заңсыз иемденген. Сот шешімімен тәркілеу шаралары тек сотталғандардың өз атына ғана емес, туыстарының атына тіркелген мүлікке де қатысты болды.

Дәуір Еркінұлының тәркіленетін мүлкі:

• Toyota Land Cruiser 200 — 35,8 млн теңге;
• Toyota Camry — 15,4 млн теңге;
• Mercedes-AMG GT S (анасының атына рәсімделген) — 62,6 млн теңге;
• ZEEKR 001 (туысының атына тіркелген) — 22,1 млн теңге;
• МЗСА 817732 тіркемесі — 1 млн теңге;
• Банктік және криптовалюталық шоттардағы 4 млн теңге.

Еркін Исановтың тәркіленетін мүлкі:

• ZEEKR 001 — 22,1 млн теңге;
• Ducati Monster мотоциклі — 4,2 млн теңге;
• Супругасының атына рәсімделген пәтер;
• Жұбайының атына тіркелген бірнеше автотұрақ пен қойма — жалпы 125 млн теңге;
• Шоттардағы 255 641 теңге.

Ренат Әбілхановтың тәркіленетін мүлкі:

• KIA K5 — 8,4 млн теңге;
• Hyundai Palisade — 22,5 млн теңге;
• Жұбайының атына рәсімделген пәтер — 68,2 млн теңге;
• Анасының атына тіркелген пәтер — 105,6 млн теңге;
• Құны 251,8 млн теңге болатын пәтер;
• Банктік және криптовалюталық шоттардағы 4,8 млн теңге және 5 131 АҚШ доллары.

Сонымен қатар, сот үкімі бойынша сотталғандардан Air Astana компаниясының пайдасына 1 млрд теңге көлемінде материалдық шығын және 30,4 млн теңге мемлекеттік баж салығы өндірілмек.

Үкім әлі заңды күшіне енген жоқ.