Алаяқтың айласы іске аспады

1 986 просмотра

3 қазанда Құлсары қаласының 52 жастағы тұрғыны Жылыой АІІБ-не өзінің алаяқтың құрбанына айналғанын хабарлады.

24 қыркүйекте оның үйіне жас жігіт келіп, өзін полиция қызметкерімін деп таныстырып, ұлының мектепте төбелес шығарып, терезе сындырғанын, істі басып тастау үшін 9 мың теңге төлеу керектігін айтқан. Аңғал әке оған осы соманы бере салған. Өзін алдап кеткендігін ол ұлы мектептен келген кезде білген. Жедел топ қызметкерлері жалған полицейді дереу ұстады. Ол 23 жастағы жергілікті тұрғын екен. ҚР Қылмыстық кодексінің 177-бабы («Алаяқтық») бойынша қылмыстық іс қозғалды.

Мұрат СҰЛТАНҒАЛИЕВ

4 қазан 2013, 16:35

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.